Agaasimaha idaacada Star Fm oo ka tacsiyadeeyay geerida ku timid wariye caan ahaa

Alle ha u naxariistee, waxaa saaka Waddanka Maraykanka ku geeriyooday suxufigii caanka ahaa ee Soomaaliyeed Cabdulqaadir Maxamed Mursal, oo maalmahan ku xanuunsanaa halkaasi.
Geerida marxuum Cabdulqaadir Mursal, waxa xaqiijiyay xubno ka tirsan Qoyskiisa iyo suxufiyiin Soomaaliyeed oo ku sugan Waddanka Maraykanka, waxaana durba ka tacsiyeeyay siyaasiyiin iyo weriyaal kala duwan.
Agaasimaha warbaahinta Star Maxamed Xassan oo ka tacsiyadeeyay geerida ku timid suxufiga ayaa sheegay in kaalin muhiim ah uu ka soo qaatay idaacada Star Fm xiligii la bilaabayay.

Marxuumku wuxu kamid ahaa suxufiyiintii waaweynaa ee Soomaaliya burburkii ka hor, wuxuuna agaasime ka soo noqday idaacadda Radio Muqdisho ee ku hadasha Af-ka dowladda Soomaaliya.
Sidoo kale, burburkii kadib wuxuu agaasime ka noqday idaacadda Codka Arrimaha Banii’adanimada ee Qaramada Midoobay maal-geliso, taas oo la oron jiray Radio IRRIN balse haatan loo yaqaan Radio Ergo.

 

LEAVE A REPLY

Please enter your comment!
Please enter your name here