DHAGEYSO:Maamulka Gobolka Banaadir oo howlo Nadaafadeed ka Sameeyay Muqdisho.

66

Ciidamada Ilaalada deegaanka iyo Waaxda Nadaafada Dowladda Hoose ee Xamar ayaa xalay waxaa ay siwadajir ah Magaalada uga fuliyeen howlo burburin iyo nadaafad ah waxayna Bartilmaameedsanayeen goobo Ganacsi oo ku yaalla wadada Maka-Almukarama ee Magalada Muqdisho.
Howlaha burburinta ayaa waxaa sigaar ah looga sameeyay Hareeraha wadada Maka-Almukarama,waxaana Ciidamada Ilaalada deegaanka ay burburiyeen Sandaqado iyo miisas yaryar oo dad ay Ganacsiyo ka sameysteen,waxaana Maamulka Gobolka Banaadir uu sheegay inay sharci darro tahay ku Ganacsiga hareeraha Wadada.
Intii ay socdeen howlaha burburinta ayaa waxaa halkaasi tegay guddoomiyaha Maamulka Gobolka Banaadir ahna Duqa Magalada Muqdisho C/raxmaan Cumar Cismaan Eng Yariisow,isagoo sheegay in Maamulka Gobolka Banaadir uu doonayo dib u soo celinta bilicda Caasimadda.
duqa Muqdisho Eng Cabdirxmaan Cumar Cismaan Yariisow ayaa sheegay in laga bilaabo km4 ilaa Ex-Koontorool Afgooye ee wadada Maka Almukarama ay tahay sharci darro in wadada laamiga ah qeybo ka mid ah lagu Ganacsado.
Waxaa uu sheegay in Ganacsiga iyo wasaqda ka dhalata ay keeni karto nadafaad darro iyo cuduro kala duwan,waxaana Duqa Muqdisho Eng Cabdirxmaan Cumar Cismaan Yariisow uu digniin u diray dadka ku Ganacsada hareeraha Wadada Maka Al-Mukarama oo qaarkood Ganacsigooda soo geliyay qeyb ka mid ah wadada.

LEAVE A REPLY

Please enter your comment!
Please enter your name here