DHAGEYSO:Madaxweynaha Maamulka Puntland oo eedaymo u jeediyay wasiirka waxbarashada Soomaaliya

Madaxweynaha maamul goboleedka Soomaaliyeed ee Puntland Saciid Cabdullaahi Deni ayaa ka hadlay Natiijadii dhawaan kasoo baxday Imtixaankii ay qaaday Wasaaradda Waxbarashada dowladda Soomaaliya ee dugsiyada Sare.
Waxaa uu sheegay in Magaalada Muqdisho ay tahay caasimad ay kunool yihiin dadkii ugu tayadda wanaagsan dhanka macalimiinta, sidoo kale ku yaallaan iskuullo sannado badan shaqeynayay oo leh hanaan waxbarasho oo lagu kalsoonaan karo.
Waxaa uu wax lala yaabo ku tilmaamay in la sheego in uu iskuullo la og yahay baahiyaha ay qabaan oo gobolada ku yaalla in kaalimaha koowaad ay galeen.
Madaxweyne Deni ayaa ku tilmaamay Wasiir Goodax mid aan waxba kala socon waxbarashada dalka loona baahan yahay in uusan niyad jabin waalidiinta Caruurtooda lacagta wax kusoo baray.
Waxaa uu sidoo kale tilmaamay in markii horaba ay ahayd Sharci darro in imtixaan ay qaado Wasaaradda dhexe xilli ay jiraan maamul goboleedyo.

Waalidiinta, Aqoonyanada Soomaaliyeed iyo sidoo kale Siyaasiyiin muddo dheer kasoo shaqenayay waxbarashada dalka ayaa horay u sheegay in humaag badan uu ku jiro hanaanka Natiijadda ay shaacisay Wasaaradda.

LEAVE A REPLY

Please enter your comment!
Please enter your name here