DHAGEYSO:Maxkamadaynta askar dad shacab ah dilay oo Muqdisho ka bilaabatay

Maxkamadda Ciidamada Qalabka sida ee Soomaaliya ayaa Maanta waxaay bilaawday dhageysiga dacwadda askari 24-Kii Bishii Apriil xilli habeen ah Magaalada Muqdisho ku dilay laba qof oo Shacab ah.
Askariga oo lagu Magacaabo Dable Boolis Xasan Aadan Xasan ayaa waxaa 1-dii Bishii Ramadaan uu agagaarka Isgoyska Jubba, iyadoo uu Magaalada Bandow la xiriira ka hortagga COVID-19 ka jiro ku dilay Xasan Cali Cadaawe iyo Madiino Cabdullaahi Cabdi oo labaduba dad shacab ah ahaayeen.
Xeer ilaalinta Maxkamadda Ciidamada Qalabka sida ee Soomaaliya oo soo eedeysay Dable Boolis Xasan Aadan Xasan iyo Qareenada u doodayaya Eedeysanaha ayaa maxkamadda hadal-jeedintooda dhageysatay,waxaana goobta la horkeenay markhaatiyaasha dacwadaan.
Xeer ilaaliyaha Maxkamadda Ciidamada Qalabka sida ee Soomaaliya Cabdullaahi Buulle Kameey ayaa weeydiistay Garsoorayaasha Maxkamadda in lagu xukumo Dable Boolis Xasan Aadan Xasan ciqaab u dhiganta qodobada ku xusan eedooda.

Qareenada u doodayay eedeysane Dable Boolis Xasan Aadan Xasan ayaa codsaday dhankooda in magta eedeysanaha loo saaro Taliska Ciidanka Booliska Soomaaliyeed maadaama askariga uu fulinayay amarka Taliyaha Booliska ah ee in dadka la kala fogeeyo sababo la xiriira Cudurka Coronavirus.
Ugu dambeyn Guddoomiyaha Maxkamadda Darajada 1aad ee Ciidamaa Qalabka sida ee Soomaaliya ayaa soo xiray dhageysiga dacwada loo heystay Dable Boolis Xasan Aadan Xasan oo ka tirsan Saldhiga Booliska degmada Boondheere,waxaana uu sheegay in Go’aanka ay dib kasoo saari doonto.

LEAVE A REPLY

Please enter your comment!
Please enter your name here