Seddex ka mid ah booliska dalka gaar ahaana kuwa qaabilsan maamulka ee loo yaqaano AP-da ayaa amar lagu siiyay in ay maxkamadda ka soo hor muuqdan si ay uga jawabaan dhacdo  lala xiriirinayo oo lagu waayay labo ruux .

Labada qof oo mid ka mid ah uu ahaa ganacsade ka ganacsada mootada iyo macamilkiisa  ayaa la waayay bishii la soo dhaafay.

Garsooraha maxkamadda sare  ee Isaac Lenaola ayaa maanta  seddexdan sarkaal oo lagu kala magacabo Benson Simiyu, Simon Mureithi  iyo Kennedy Njoroge amar ku siiyay in ay taarikhdu marka ay ku begantahay 26-ka bishan July maxkamadda hor tagaan.

Dacwada ayaa lagu wadaa in u dhageysto garsoore lagu magacaabo  Joseph Onguto .

Amarka garsooraha ayaa yimid kadib markii ururka ay ku bahoobeen gar yaqaanada dalka  ee LSK ay dacwad ka gudbiyeen abaanduulaha guud ee booliska Joseph Boinnet,  xeer ilaaliyaha guud prof  Githu Muigai iyo agaasimaha waaxda dacwad oogista ee Keriako Tobiko.

Seddexdan sarkaal aya la sheegay in labada qof ee  kala ah Brian Nzeze  iyo Aluda Mambo oo la waayay kadib markii ay istajiyeen iyagoo ku sugan xaafadda  Kawangware  ee magaaladatani Nairobi.

Sida ku qoran warqada maxkamadda loo gudbiyay, Brian Nzeze  iyo Aluda Mambo ayaa la waayay kadib markii xabsiga loo taxaabay bishii june ee an ka soo gudubnay.

Ururka ay ku bahoobeen qareenada dalka ee LSK  ayaa sheegay in dadkan la waayay  waalidiintoda ay arintan walwal ku abuurtay sidaas awgeedna ay dalbanayaan in joseph Boinnet,Githu Muigai iyo Keriako Tobiko ay faahfaahiyaan sida dadkan lagu waayay.