Dowlada wadanka Turkiga ayaa maanta  warqadii lagu soo xiri lahaa u jartay 42 wariye.

Dadkan  amarka lagu bixiyay in la soo xiro ayaa waxaa ka mid ah Nazli Ilicak  oo horay baarlamaanka uga tirsanaa.

Tan iyo markii howlgalada ay bilowdeen waxaa shaqada laga eryay,la xiray ama baaritaana ka dhan lagu talaaba qaaday dad ka badan 60,000 oo ruux oo isugu jiro  ciidamo milatari, boolis, macalimiin iyo shaqaala dowladeed oo kale.

Maalintii sabtida ayey ahayd markii madaxweynah Turkiga Recep Tayyip Erdogan  uu sheegay in 13,000  ee la soo qabqabtay oo lala xiriirinayo in isku dayga afgambi ay ka qeyb qateen qiyaastii 6,000  xabsiga loo taxaabay.

Ilaa iyo hada 37,500  oo isugu jiro shaqaala dowladeed  iyo ciidamada booliska  aya shaqa joojin lagu sameyay.

Talaabadan aya qeyb ka ah howlgalada wadankaasi laga wado oo la bilaabay kadib iskudaygii afgambi ee dhicisoobay.

Wadamada galbeedka ayaa walaac ka muujiyay howlgalada halka  ururrada rayidka iyo wadamada yurubka ee howlgaladan walaac ka muujiyay ay sheegayaan in madaxweyne Erdogaan uu u adeegsanyo si uu awoodiisa u sii xoojiyo.

Madaxa gudiga midowga Yurub ee  EU-da  Jean-Claude Juncker  ayaa xusay in hadii dowlada Turkiga ay adeegsato xukunka dilka sida ugu dhaqsiyaha badan loo soo afjarayo dadaalada ku aadan in EU-da ay ku biirto.

Ugu dambeyntina wasiirka arimaha dibadda ee Turkiga Mevlut Cavusoglu  ayaa telefishinka  Haberturk TV usheegay in yurubka uunan Turkiga ugu goodin Karin xukunka dilka.