Ugu yaraan 28 rayid ah oo ku dhintay duqeymo laga fuliyay Suuriya

Ugu yaraan 28 ruux oo u dhashay wadanka suuriya ayaa ku nafwaayay  halka tira  kalena ay ku dhaawacmeen duqeymo dhanka cirka ah oo ay  fuliyeen isbeheysiga uu mareykanka hogaaminayo.

Duqeymahan ayaa ku soo begmaya iyada oo caqabad ay ka taagantahay  dadaalada mareykanka uu Ruushka kula kaashanayo dagaalka ka dhan ah kooxda isku tilmaanta khilaafada islaamka ee isis .

Maalintii shalay ayey ahayd markii duqeymo laga beegsaday magaalada ay kooxda Isis gacanta ku heyso ee Ghandour sida laga soo xigtay  hay’ad u  ololeysa xuququl aadanaha oo  uu fadigeedu yahay  ingiriiska.

Wararka ayaa intaas ku daraya in  dagaalo ay weli ka socdaan qeybo ka tirsan wadanka suuriya halka kooxda al-Nusra  ay ka go’aday  alqaacida.

Magaalada ay duqeymaha ka dheceen ee Ghandour ayaa masaafa dhan  23km  kaga beegan  waqooyi galbeedeka  Manbij.

Taliska mareykanka oo  daba  gal ku sameysa  howlaha  militariga mareykanka ee  bariga dhexe ayaa sheegay in ay bilabeen baritaana la xiriira dilka rayidka loo geystay.

Duqeymaha ayaa ku soo begmaya maalin kadib  markii isbeheysiga duqeymahan fulinayo uu bilaabay  baaritaana rasmi ah oo lagu xaqijinayo in rayid ay ku nafwayeen duqeymihii isbuucii la soo dhaafay ay ka fuliyeen meel u dhow magaalada Manbij .

Ugu dambeyntina hay’adda xuquuqul insaanka ee  ingiriiska fadhigeedu yahay ee loo soo gaabiyo SOHR ayaa sheegtay in ku dhawaad 600 oo udhashay wadanka suuriya oo ay ka mid yihiin  136  caruur ah  ay ku nafwayeen duqeymaha dhanka cirka ah tan iyo bishii sebtembar ee sanadii  2014-kii.

 

Star FM is the leading Somali-language radio station in Somalia, Kenya and Ethiopia. It is independent, neutral and listener-driven. Tune in today for reliable news and exciting programmes.

1 thought on “Ugu yaraan 28 rayid ah oo ku dhintay duqeymo laga fuliyay Suuriya

Leave a Reply

Your email address will not be published. Required fields are marked *