Qaar ka mid ah shacabka ku dhaqan magaalada kisii ee maamul goboleedka kisii ayaa ku baaqay in sarakiisha qaabilsan  caafimadka dadweynaha la bedelo maadama sida ay hadalka u dhigeen aysan ka soo bixin shaqadii loo igmaday.

Arrintan ayaa salka ku heysa walaac ay shacabka ka qabaan in laga iibiyo  hilib qurmay oo biniaadamka cuni Karin.

Sido kale waxay shacabka ka dhawaajinayaan in  xaalada hada taagan hadii aan wax laga qabanin,  noolasha dadka ku dhaqan  magaaladaasi ay halis galeyso.

Shacabkan oo uu hogaaminayo  Vincent Gikone oo u ololeeya xuquuqul  aadanaha ayaa sheegay in ay doonayaan in dowlada countiga ay ilaala  badan geysa goobta hilibka lagu qalo.

Waxay ka cabanaayan hilibka qurmo oo dadka laga iibiyo iyo sidoo kale  xoola baqtiga ah ee yaalo meelaha qaar.

Habeenimadii isniinta ay soo galeysay ayeey ahayd markii gacanta lagu dhigay  nin bujur leh oo sac dhintay geeyay goobtiisa isagoo la aaminsanyahay in uu dadka ka iibin rabay.

Dhacdadan ayaa noqoneysa midi ninkan mar labaad lagu qabto mudo laba bilood gudahood ah.