Dibadbaxyo waa weyn oo ka socda waddanka Kuuriyada Koonfureed

Waxa dibadbaxyo waa weyn oo ay isugu soo baxeen boqolaal kun oo qof oo lagu dalbanaayo in lagu xiro madaxweynaha Kuuriyada koonfureed ayaa laga soo tabinaaya in ay ka socdaan magaalada Seoul ee ah magaala madaxda waddankaas.

Dibad baxyadaan ayaa maanta lugaha la galay isbuuca 8-aad oo ay si toos ah u socdaan waxana ay ka dambeeyen kadib marki ay soo shaac baxday fadeexad ka dhan ah haweeney saaxibad dhow la ahayd madaxweynaha waddankaas Park Geun Hye.

Dibadbaxyadan ayaa yimid wax yar uun kadib marki maalinta shalay ahayd ay mucaaradka dalkaas ay mooshin xilka looga xayuubinaayo haweeneyda madaxda ka ah dalkaas ay horkeenen aqal sharci dajiyaasha.

Dadka boqolaal kun ah ee maanta dibad baxaayay ayaa waxa ay ku dhawaaqaayen ereyo ay kamid yihiin in haweeneyda 64 sano jirka ah ay wajahdo sharciga dalkaas u yaalo waxana qaar kamid ah boorarka dadkaas ay siteen ka muqday haweeneydan oo xiran dharka maxaabiista iyadoo ay ku xir xiran yihiin xargo.

Star FM is the leading Somali-language radio station in Somalia, Kenya and Ethiopia. It is independent, neutral and listener-driven. Tune in today for reliable news and exciting programmes.

Leave a Reply

Your email address will not be published. Required fields are marked *