Hay’ada WHO oo ka deyrineyso  dhaqaalo yari caqabad ku noqon karto la tacaalida  cudurka duumada

Hay’ada caafimadka ee dunida ee  loo soo gaabiyo WHO  oo lagu wado in maanya ay yeelato kulankeeda sanadlaha ah ayaa walaac ka muujisay in  deeqda bixiyo oo yaraatay ay caqabad ku noqon karto dadaalada ku aadan in la xakameyo  cudurka duumada ama malaariyada.

Who ayaa sido kale sheegtay in dadaaladan ay istaagi karaan hadii lacago dheeri ah anan loogu deeqin  barnaamijyada  ku saabsan cudurkan

Guud ahaan kiisaska malaariyada ayaa hoos u dhacay boqolkiba 21 intii u dhexeysay sanadihi 2010-kii ilaa iyo 2015-kii.

Tirada dadka u dhintay malaariyada ayaa sido kale hoos u dhacday  boqolkiba 29  dunida oo dhan halka qaarada Afrika ay  dhimashadan yaraatay boqolkiba 31.

Dun ida oo dhan waxaa hada jiro 212 milyan oo ah kiisas hor leh  iyo   429,000  kiis oo dhimasho la xiriirta cudurkan oo la soo tabiyay  sanadii la soo dhaafay.

Sido kale hay’ada WHO ayaa sheegeysa in boqolkiba  43  ee dadka ku nool Afrika saxaraha ka hooseysay aynan isticmaalo  shandarwo loo adeegsaday daawada kaneecada lagu ceyriyo.

Sanadii 2015-kii deeq lacageed oo dhan  2.9 bilyan oo doolar ayaa loo adeegsaday xakameynta malaariyada  tani oo u dhinganta boqolkiba  45 keli ee lacagta loo baahanyahay oo ay hay’ada sheegeyso in ay tahay  6.4 bilyan oo doolar meesha lagu gaaro sanada 2020-ka.

Star FM is the leading Somali-language radio station in Somalia, Kenya and Ethiopia. It is independent, neutral and listener-driven. Tune in today for reliable news and exciting programmes.

Leave a Reply

Your email address will not be published. Required fields are marked *