Maanta oo jimca ah ayaa lagu wadaa in daad gureynta shacabka iyo fallagada suuriya ee ku dhaqan bariga  magaalada xalab ay   maalinkii labaad  gasho.

Shalay oo kamiis ahayd ayaa In ka badan 3,000 oo qof ay basas  ka daadgureeyen xaafada   ay dagaalada soo gaarsiyeen bubur xoogan.

Qaramada midoobay ayaa dhanka kale sheegeysa in ilaa iyo hada  50,000 oo qof ay weli ku xayiran yihiin goobaha isku dhacayada saameyeen.

Ciidammada dowladda   suuriya oo Ruushka  garab ka helaya ayaa todobaadkan la wareegay  degmooyin ay horay uga talin jireen fallagada dalkaasi.

Hasa ahaate, Mareykanka ayaa  dowladda Suuriya  ku eeedeyay in  ay magaalada xalab ku qaaday  wax xasuuq lagu tilmaami karo.

Balse  ciidamada labada dowladood ee isgarabsanaya ayaa si joogta ah ugu gacanseyray in ay duqeymahooda ku  bartilmaamedsanayaan rayidka.

Madaxweynaha Suuriya Bashar al-Assad ayaa Khamiistii bogaadiyay “xoreynta” Xalab kaddib in ka badan afar sano oo uu halkaasi dagaal ka socday.