Dilka taliye u dhashay dalkani Kenya oo ka mid ahaa ciidamada ingiriiska oo la baarayo

Sarakiisha  dambi baarista ee ingiriiska ayaa wado baaritaano ku saabsan dilka taliye lagu magacaabi jiray  Cyrus Karumba oo u dhashay dalkan Kenya balse  ka mid ahaa ciidamada  Britain.

Meydka taliyahan oo 36 sano jir ahaa ayay xaaskiisa ku dhex aragtay  suulida guri uu deganaa oo ku yaalo xarunta ciidamad ee  Cormorant  ee    tuulada Watchfield oo ka tirsan magaaladaa  Oxfordshire,  taarikhdu marka ay ku beegneyd 6-dii bishan Disembar.

Arbacadii la soo dhaafay ayaa sarkaalkan   lagu aasay  tuulada Mutomo  ee degaanka konfurta Gatundu kadib markii meydkiisa diyaarad lagu soo qaaday.

Wargeyska Daily Mail oo ka soo baxa ingiriska ayaa qoray in  ninkan isaga ah uu gurigaas deganaa  tani yo bishii Sagalaad ee sanadkan.

Sarkaalkan oo ahaa aabe laba caruur ah dhalay ayaa ku biiray ciidamada Britain sanadii 2003-dii waxaa uuna ka soo howlgalay wadamo ay ka mid yihiin  Afghanistan, Kenya  iyo   Jarmalka.

Ku xigeenka  madaxa waaxda dambi baarista ee magaalada Oxfordshire Nicholas Gardiner ayaa xaqiijiyay in baaritaano lagu sameyay meydka sarkaalkan si loo xaqiijiyo qaabkii  loo dilay.

Star FM is the leading Somali-language radio station in Somalia, Kenya and Ethiopia. It is independent, neutral and listener-driven. Tune in today for reliable news and exciting programmes.

Leave a Reply

Your email address will not be published. Required fields are marked *