Bangiga Adduunka oo Amaanay Barnaamijka ay Dowladu ku Taageerto Qqoysaska Danyarta ah

Bangiga adduunka  ayaa sheegay  in dowlada Kenya ay sameysay  dadaal dheeraad ah  maadaama ay dhaqangelisay barnaamij lacago lagu siiyo dadka wayeelada ah ee    u nugul dhibaatooyinka.

Arintan ayuu  bangigu saaka shaaca uga qaaday magaaladatani  Nairobi.

Utz Pape waa  sarkaal sare   oo bangiga  u qaabilsan dhanka dhaqaalaha wuxuuna sheegay inay lagama maarmaan tahay  in la tageero  kenyaanka saboolka ah sido kalena la badbaadiyo qoysaska danyarta ah.

Mr. Utz  ayaa hadalkan jeediyay xili uu soo bandhigayay qiimeynta 18-aad ee bangigu uu ku sameeyay  dhaqaalaha dalka.

Waxaa warbixintaasi qeyb ka ah in barnaamijka ay waddo dowlada  dhexe   ee lacagaha lagu siiyo  dadka da’da ah   iyo  qoysaska  u nugul dhibaatooyinka sida macluusha iyo abaaraha ay ka faaiideen  ugu yaraan   boqolkiba 40  ee dadka saboolka ah.

Dowlada ayaa bishii afaraad ee sannadkan sheegtay inay diiwangelisay  in  ka badan  1.2 milyan oo kenyaan ah.

Waxaa barnaamijkan loogu magacdaray ‘inua jamii’ iyadoo bil kasta  2000 oo shilin la siiyo qof waliba  oo isdiiwangeliyay  da’diisana ay tahay 70  sano   iyo  wixii ka sareeya.

Warbixinta   bangiga adduunka ayaa lagu sheegay in Kenya lagu amaanayo barnaamijyada  laga badbaadinayo bulshada hasa ahaate loo soo jeedinayo inay sii ballariso si dad badan ay uga faaiideystaan.

Star FM is the leading Somali-language radio station in Somalia, Kenya and Ethiopia. It is independent, neutral and listener-driven. Tune in today for reliable news and exciting programmes.

Leave a Reply

Your email address will not be published. Required fields are marked *