Saraakiisha Ciidanka Booliska Galmudug iyo Puntland oo Gaalkacyo ku Shiray

Saraakiisha Ciidanka Boliiska Soomaaliyeed ee ka howl-gasha degaannada Galmudug iyo Puntland ayaa kulan looga hadlayo xoojinta nabad-gelyada waxa ay ku yeesheen Magaalada Gaalkacyo.

Kulankan, oo ka dhacay Magaalada Gaalkacyo ayaa waxaa lagu gorfeeyay sidii ay wada shaqayn dhow u yeelan lahaayeen Ciidanka Boliiska Dowladda Federaalka Soomaaliya ee ka howl-gala degaannadaas iyo kuwa Puntland iyo Galmudug.

Saraakiishii ka qeyb gashay kulanka ayaa dhammaantood waxa ay soo dhoweeyeen isu imatinka dhex maray, iyagoo ka faallooday ahmiyadda ay u leedahay nabad gelyada, haddii la helo wadashaqeyn dhameystiran oo u dhaxeeysa Ciidamada Boliiska ee ka howl-gala Galmudug iyo Puntland.

G/sare Yuusuf Axmed Ciise, Taliyaha saldhiga dhaxe ee Gobolka Bari iyo Taliye ku xigeenka Ciidanka Booliiska Soomaaliyeed ee Galmudug, G/sare , Cabdi Jaamac Cabdulle (Xabeeb) oo si wada jir ah ula hadlay warbaahinta  ayaa sheegay, in ay wada shaqayn ka dhexeysa Labada dhinac, taas oo keentay in dhowr jeer ay qabteen Dad fal dembiyeedyo kasoo galay degaanno kale.

Jen, C/casiis Yuusuf Aadan (Dhaga badan) Taliayaha Ciidamada Boliiska Galmudug ayaa sheegay in ay Bil kasta Hal mar yeelan doonaan kulamo joogto ah, Saraakiisha Boliiska ee Labada Maamul Goboleed, si laysaga wareysto halka ay marayso xaaladda nabad-gelyada ee degaannadaasi.

Waa markii ugu horreysay ee kulan caynkan oo kale ah uu ka dhaco magaalada Gaalkacyo, iyadoo ay muddooyinkii dambe jireen dedaallo la xiriira iskaashiga dhanka ammaanka oo u dhexeeya Ciidamada Boliiska Labada ee maamul.

Star FM is the leading Somali-language radio station in Somalia, Kenya and Ethiopia. It is independent, neutral and listener-driven. Tune in today for reliable news and exciting programmes.

Leave a Reply

Your email address will not be published. Required fields are marked *