Jubbaland oo howlgal ka bilowday Jubbadda Hoose

Cutubyo ka tirsan ciidanka dowlad goboleedka Jubbaland ayaa howl-gallo waxa ay ka sameeyeen degaanka beerxaani oo qiyaastii 50KM dhanka galbeed kaga beegan magaalada Kismaayo.
Taliyaha Hay’adda Sirdoonka iyo Nabad-Sugidda dowlad goboleedka Jubbaland Mudane Khaalid Sheekh Cabdullaahi oo goob faagaara ah kala hadlay shacabka deegaanka Beerxaani ayaa sheegay in ciidankani yihiin ciidanka Jubbaland ayna halkaan u yimaadeen ilaalinta nabad galyada shacabka,islamarkaana ay doonayaan in Al-Shabaab laga saaro degaanada hoos yimaada Beerxaani.
Taliska Ciidanka Nabadsuggida Jubbaland ayaa sheegay in Al-Shabaab ay ka baxeen degaano dhowr ah ka hor inta aysan soo gaarin Ciidanka Hay’addaha Ammaanka maamulka Jubbaland.
Madaxweynaha Jubbaland ayaa maalin ka hor sheegay in ay bilaaban doonaan howlgallo xooggan oo lagula dagaallamaayo Al-Shabaab oo uu sheegay in ay dhibaato ku hayaan Shacabka.

LEAVE A REPLY

Please enter your comment!
Please enter your name here