Madaxweynaha Puntland oo kulamo ka wadda Nairobi

Madaxweynaha dowlad goboleedka soomaaliyeed ee Puntland Siciid Cabdullaahi Deni oo safar shaqo ku jooga magaalada Nairobi ayaa la kulmay Safiirka dalka Maraykanka ee Soomaaliya Ambassador Donald Yamamoto, saraakiil ka tirsan Safaaradda iyo mas’uuliyiin ka socda Hay’adda USAID.
Danjiraha dalka Maraykanka ee Soomaaliya Mr. Donald Yamamoto iyo saraakiisha wehelinaysey ayaa Madaxweyne Deni kusoo booqday rugta uu ka degan yahay magaalada Nairobi, waxaana ku wehelinaayey kulankaasi Madaxweynaha masuuliyiin ka tirsan Golaha Wasiirada iyo saraakiil ka tirsan Madaxtooyada Puntland.
Madaxweynaha Puntland Mudane Siciid Cabdullaahi Deni iyo Safiirka Dowladda Mareykanka ee Soomaaliya Donald Yamamoto ayaa kulankooda uga wadahadlay xaaladda guud ee Soomaaliya, arrimaha Amniga, si gaar ah la dagaalanka argagixisada, koboca dhaqaalaha, mashaariicda horumarineed ee USAID ka waddo Puntland iyo hirgelinta mashaariic horleh.

LEAVE A REPLY

Please enter your comment!
Please enter your name here