Midowga Yurub oo dalalka Geeska Afrika lacag ugu deeqaya

Midowga Yurub ayaa ku dhawaaqay in uu siin doono dalalka geeska Afrika dhaqaalle dhan € 105.5 milyan oo dheeri ah si wax looga qabto cudurka halista ah ee coronavirus oo dalalka Geeska Afrika si weyn ugu sii fidiya.
Midowga Yurub waxaa uu sheegay xaalada bini’aadminimo ee gobolka oo dad badani ay weli la daala dhacayaan dagaalada hubaysan, barakaca, abaaraha soo noqnoqda iyo daadadka loo baahan yahay in si weyn loo taageero.
Deeqda Midowga Yurub ayaa waxaa ka faa’idaysan doonan dalalka kala ah Jabuuti ,Itoobiya ,Kenya iyo Soomaaliya .
Qaramada Midoobay ayaa sheegtay in 24 qof ay ku dhinteen daadadkii maalmahan ka dhacayay Soomaaliya, in ka badan 283 qofna ay barakaceen, daadadkaas oo saameyay 700 oo kun oo qof oo ku nool 24 degmo.
Sida lagu sheegay war ka soo baxay Xafiiska Isku-duwidda Gargaarka ee ee Qaramada Midoobay ee OCHA, daadadkan ayaa yimid xilli waddanku uu la daalaa dhacayo ka hortagista xanuunnka COVID-19 oo ilaa iyo hadda ay u dhinteen inta la xaqiijiyay 53 qof, 1,284 qofna uu ku dhacay.

LEAVE A REPLY

Please enter your comment!
Please enter your name here