Olole ku aaddan in la turjumo warbixinta BBI oo la billaabay

Mid ka mid ah ururrada rayidka ee dalka ayaa guda galay olole ku saabsan in la daabaco ilaa 10 milyan oo ah nuqullada warbixinta guddiga dib u heshiisiinta iyo mideynta Kenyaanka ee BBI oo lagu turjumayo luqadaha qowmiyadaha dalka.
Waxaa warbixinadan loo adeegsan doonaa kulamada lagu qabanayo deegaan baarlamaaneedyada ee ay dadweynaha ka qeyb qaadanayaan.
Kulamadan ayaa lagu wadaa inay billowdaan bisha labaad ee sannadka 2020-ka.
Kenyaanka ayaa fursad loo siinaya inay aragtidooda ka dhiibtaan qodobbada ku xusan warbixinta guddiga BBI si haddii ay jiraan isbeddelo ay doonayaan in la sameeyo ay u soo bandhigaan.
Cathy Irungu oo ka mid ah mas’uuliyiinta arrintan ku howlan ayaa sheegtay inay warbixinta BBI ku fasiri doonaan ilaa 44 luuqadood.
Go’aankan ayay ku saleeyeen amarkii madaxweynaha dalka Uhuru Kenyatta ee ahaa in shacabka fursad buuxda loo siiyo inay akhriyaan oo ayna fahmaan waxyaabaha lagu soo jeediyay warbixinta ka hor inta aan si rasmi ah loo dhaqangelinta qodobbada ay ka midka tahay in waddanku uu ra’iisul wasaare baarlamaanka ka tirsan lahaado.

LEAVE A REPLY

Please enter your comment!
Please enter your name here