Sababaha Calool Ololka keeno & Talooyin Caawinaya Qofka Uu Ku Badan Yahay

Calool ololka waxa uu ka mid yahay dhibaatooyinka caafimaad ee dunida maanta aad caanka uga ah, sababaha keena waxaa ka mid ah:
Cuntada duxdu ku badan tahay oo la badsado.
Cuntada oo goor dambe oo habeenkii ah la cuno.
Cabbitaananda asiidhka leh, iyo cabbitaannada ka samaysan liin dhanaanta iyo cinabka.
Isku buuqa, iyo xaaladaha nafsiga ah ee ay ka mid yihiin walaac badan iyo qulubku.
Xeeldheereyaasha caafimaadku waxa ay sheegayaan in calool ololku uu yahay xaalado mararka qaarkood uu qofku isku arki karo, laakiin haddii uu soo noqnoqdo, tusaale ahaan, dhowr jeer toddobaadka gudihiisa, waxa ay noqon kartaa astaan muujinaysa khatarta xanuunno kale oo ay ka mid yihiin:
boog calooleed.
Caabuq ama caloosha oo nabar ku samaysmay.
Bog dillaac.
Waxaana muhiim ah in qofku uu dhaqso dhakhtar ugu tago, maadaama oo uu calool ololka joogtada ahi keeni karo, nabarro ku samaysma hunguriga, kaas oo haddii xaalkiisu sii xumaado isu beddeli kara kansar.

Talooyin kaa caawinaya in aad calool ololka ka hortagto.
In la iska daayo in maalintii laba ama saddex jeer cunto weyn la cuno, taas beddelkeedana uu qofku maalintii shan ama lix jeer cunto fudud cuno.
In intii suurtagal ah la iska yareeyo cuntooyinka ay duxdu ku badan tahay iyo cuntada culus.
Ka feejignoow in aad saacadaha dambe ee maalintii cunto culus cunto.
Iska jir in aad jiifsato isla marka aad wax cunto.
Marka aad jiifsanayso ku dadaal in qaarkaaga sare uu in yar ka sarreeyo qaarka dambe. Si aanay cuntada iyo asiidhu dib ugu soo noqon.
Ku dadaal wax kasta oo aad kaga fogaan karto isku buuqa, qulubka iyo xaaladaha nafsiga ah, kuwaas oo ay ugu horreyso in aad cibaadaysato, in aad jimicsi samayso, iwm.

LEAVE A REPLY

Please enter your comment!
Please enter your name here