Wasaaradda Caafimaadka Soomaaliya oo Go’aano soo saartay

Wasaaradda Caafimaadka Soomaaliya ayaa soo saartay habraac ku saabsan safarada dadka ka imaanaya dalka dibadiisa iyo kuwa aadaya maadaama duulimaadyada Caalamiga ah dib loogu furay.
War-Saxaafadeed kasoo baxay ayaa lagu sheegay iyadoo laga duulayo go’aankii Golaha Wasiiradda XFS ee soo baxay 30 kii Luuliyo, 2020 Maanta oo taariikhdu tahay 3-da August, 2020 dib u bilaabmeen duulimaayadii dibada sidaasi aawgeed Wasaaradda caafimaadka iyo Wasaaradaha ay shaqa wadaaga yihiin ay diyaariyeen habraaca safarada ee lagu hawlgalayo inta uu jiro cudur dilaacay ee COVID-19 si loo ilaaliyo fayo qabka bulshada loogana digtoonaado sahal u faafitaanka xanuunka.
Cudur dillaaca COVID-19 wuxuu saameyn mug leh ku yeeshay dhamaan caafimaadka, isku socodka iyo dhaqaalaha umadaha dunidda oo ay Soomaaliya kamid tahay, Hadaba, si loo ilaaliyo badqabka Musaafiriinta iyo shaqaalaha ka howlgala diyaaradaha waxaa lagama maarmaan ah in la dhaqan geliyo habraacaan iyo qodobadiisa si dhameestiran.
1.Wasaarada Caafimaadka waxay adkaynaysaa in la ilaaliyo fayodhowrka guud ee goobaha safarka iyadoo la qaadanayo tilmaamaha caafimaad ee ka hortaga caabuqa COVID-19 sida kala fogaanshaha iyo gacmo dhaqashada iyadoo la isticmaalka jeermis dile.
2.Qof walba oo ka dhoofaya ama imaanaaya dalka Soomaaliya waa inuu xirtaa af-xir (Mask) si loo yareeyo faaifidda Cudurka COVID-19.
3.Waa inay dadka safraya maraan baarista Xanuunka COVID-19 kana soo qaataan goobaha loo asteeyay baarista si ay iskaga soo hubiyaan inaysan qabin xanuunka (Negative COVID-19) ka hor 72 saacadood inta aysan safrin.
4.Xogta qof walba oo dhoofaya waxaa lagu diiwaan galin doonaa hanaanka xogta shaybaarka waxaana ladhigayaa nidaam laga hubiyo xogtiisa dhamaan garoomada laga dhoofo si loo xaqiijiyo sax ahaanshaha cadeynta barista COVID-19 ee uu wato qofka safraya.
5.Shirkadaha diyaaradaha waa inay fariimaha ka hortaga COVID-19 dabaacaan una sharaxaan rakaabka si loo ilaayo faya qabka inta lagu gudo jiro duulimaadka
6.Qof walba oo dhoofaya ama safraya waa inuu yimmado garoonka uu ka dhoofayo 3dex saacadood kahor duulimaadkiisa si u maro hubinta caafimaadka iyo amniga.
7.Waa in dadka imaanaya dalka guud ahaan ay iska soo baaraan xanuunka COVID-19 soona qaataan warqada cadaynta baarista ah oo soo baxday muddo 96 saacadood gudohood ah.
8.Musaafirka aan wadanin warqada cadaynta baaritaanka COVID-19 ee yimaado dalka waxa uu mari doonaa karantiil inta laga xaqijinayo caafimaadkiisa iyadoo lamarsiin doono baaris caafimaad oo la xiriirta COVID-19.
9.Arimaha laxiriira kala badalka ciidamada nabad ilaalinta (AMISOM) iyo Ciidamada Ilaaliya xarumaha UNka (United Nation Guard Unit in Mogadishu) waxaa lafaraya inay raacaan habraaca UNGU Rotation Plan for COVID-19 ee sumaddiisu NV/2020/065 si ilaaliyo caafimaadka guud dalka, loona yareeyo culeyska Airport Adden Cadde International.
10.Dhamaan Hay’addaha dowliga ah ee ku shaqada leh arimaha hawlaha gegida diyaaradaha dalka Soomaaliya inay si dhaw uga wada shaqeeyaan arimaha duulimaayada dadka imaanayana si loogu diyaariyo jawi caafimad qab ah lagana taxadaro codurka COVID-19.
11.Wasaaradda caafimaadka dowlada Soomaaliya waxey diyaar u tahay inay fududeeso helitaanka adeegga baarista COVID-19 iyadoo diyaarisay goobo loo asteeyay oo haysta ogolaanshiyaha sameynta barista iyo bixinta cadeymaha COVID-19 la’aan (Negative). Sida Hoos kucad.
Goobaha Loo diyaariyay Baaritaanka waxaa ka mid ah
1 Benaadir Muqdisho Shaybaaraka Dhexe ee Qaranka
2 Puntland Boosaaso Shaybaaraka Boosaaso
3 Garoowe Shaybaaraka Garoowe
4 Jubbland Kismaayo Shaybaaraka Kismaayo
5 Balad-Xaawo Shaybaaraka Balad-Xaawo
6 Koonfur Galbeed Baydhabo Shaybaaraka Baydhabo
7 Hirshabeelle Jawhar Shaybaaraka Jawhar
8 Galmudug Dusamareb Shaybaaraka Dusamareb
9 Soomaaliland Hargeysa Shaybaaraka Hargeysa
10 Soomaaliland Burco Shaybaaraka Burco
Si gaar ah waxa loogu sheegay warsaxaafadeedka ka soo baxay wasaarada caafimaadka Soomaaliya in Dadka kunool Gobalka Banaadir ay adeegga baaritaanada ka heli karaan xarumahaan kala ah:De Martino hospital, Banadir Hospital, UNSOS clinic iyo Chelsea clinic.

LEAVE A REPLY

Please enter your comment!
Please enter your name here