Wasaaradda Waxbarashada Soomaaliya oo soo xirtay Imtixaanka Shahaadiga

Wasiiru dowlaha Wasaaradda waxbarashada Hiddaha iyo Tacliinta sare ee Soomaaliya C/raxmaan Maxamuud Cabdulle (Jaabiri) iyo Agaasimaha Guud ee wasaarada waxbarashada Axmed Xasan Yuusuf ayaa maanta soo xiray imtixaanka Fasalka 12-aad oo Shantii Maalin ee la soo dhaafay ka socday dalkaasi islamarkana ay u fariisteen in ka badan 34, 600 oo arday.
Agaasimaha Guud ee wasaaradda waxbarashada Axmed Xasan Yuusuf ayaa sheegay in imtixaanku uu ku soo dhamaaday Jawi Dagan islamarkaana ay ardayda Soomaaliyeed muujiyeen dadaalkooda ku aaddaan waxbarashada. Waxa uuna ardayda u rajeeyay natiijo wanaagsan.
Cabdi raxmaan Maxamuud Cabdulle Jaabiri, Wasiiru dowlaha wasaaradda waxbarashada Hiddaha Iyo Tacliinta Sare ayaa u mahad celiyey cidkasta oo qeyb ka qaadatay oo ay ugu Horeeyaan waalidiinta, ardayda iyo Ciidamada Amniga oo qeyb muhiim ka qaatay.
Dowladda Soomaaliya ayaa sannadkii 6-aad oo xiriir ah qaaday imtixaanka shahaadiga dugsiga sare tan iyo burburkii kaddib markii dib loo billaabay sannadkii 2014-kii, waxaana sannadkaan dowladu ay ku soo kordhisay qaadista imtixaanka dugsiga dhexe.

LEAVE A REPLY

Please enter your comment!
Please enter your name here